المال يتيح لك فرصة إنك تتصرف على طبيعتك.
المال مش بيغير الناس المال بيظهر طباع الناس واخلاقها الحقيقية.
تخيل معاي واحد بطبعه شخص نرجسي ومتكبر ، لكن فقير هل هذه الصفات كانت هتظهر عليه وهو فقير !!
بالتأكيد لأ ، لانه كان سيكون محل انتقاد من كل اللي حوليه ، أنت بتتكبر على ايه ، وشايف نفسك على ايه .
لكن إذا ربنا أعطاه المال ستظهر عليه هذه الصفات بشكل مباشر وبسرعة وهنقول أصل المال غيره !!
وهذا غير صحيح هو المال اظهر فقط حقيقته .
وعلي العكس لو واحد على قد حاله لكن بطبيعته معطاء وبيحب الخير هتلاقيه بيتبرع بالقليل اللي معاه ، لكن أنت مش هتاخد بالك منه لانها مبالغ بسيطه ، لكن إذا ربنا أعطاه المال هتلاقيه بيعمل مستشفيات وبيشارك في جمعيات خيرية كثير ، وده هيخليك تاخد بالك وتقول الراجل ده الكريم و بيحب الخير . على فكرة هو طول عمره كان كريم وبيحب الخير للناس .
المال بيطلع أجمل ما فينا و بيطلع أسوأ ما فينا . المال فتنه كبيره.
عشان كده في حد هيعيش ويموت وهو على اد حاله عشان يفضل اللي جواه مستخبي ، وحد تاني ربنا هيغنيه عشان يظهر الحلو اللي جواه ، والاتنين ربنا بيحبهم ، والعكس بالعكس .
أنا ليه بقول الكلام ده ؟
لأن احنا الحمدلله في مجال إذا اشتغلت فيه كويس واجتهدت ممكن تنتقل ماديا من مستوى إلى مستوى ثاني في سنوات مش كثير ، فخلي بالك أنت حابب تكون من أي نوع !!
وعلى الرغم عن ما يشاع عن قطاع إلحاق العمالة أو شركات التوظيف ، وأنا على علاقة مع كثير من اصحاب الشركات أقدر أقول ان الناس الكويسين اكتر بكتير من الباقين لكن مش ظاهرين .
اخيراً ما سيرنا في قطاع الحاق العمالة لنحيا !
ولكن سيرنا فيه ليحيا.
أ/ وائل أبوعالية - المدير العام لشركة أبوعالية للتوظيف الخارجي & شريك مؤسس منصة لينك أوت.
