كل يوم في جديد ، وانت محتاج تتعلم باستمرار عشان تطور من نفسك وتقدر تستمر في ظل منافسة بتتصعب كل يوم عن التاني.
عشان تتعلم حاجه بسرعة امشي علي هذه الخطوات:
الخطوة الاولي :
اتعلم الحاجه اللي انت محتاجها جدا في الوقت الحالي (يعني مثلا عندك مشروع أو شركة ومحتاج يكون عندك فكره عن الحسابات).
ركز علي تعلم مهارة واحده فقط في الحسابات ولا تحاول تتعلم كل حاجه في نفس الوقت .
الخطوة التانية :
افهم الاساسيات كفاية لا تتعمق زيادة عن اللزوم ، يعني انت صاحب شركة مش مطلوب منك غير انك تبقي فاهم اساسيات المحاسبة والدورة المستندية ماشيه ازاي ومعرفة الاجراءات والنظم الضريبية .
الخطوة الثالثة :
ركز وانت بتتعلم وانقطع عن أي مشتات ، اقفل التليفون وابعد عن الفيس أو الواتساب أو أي حاجه تشغلك وتشتت ذهنك . وحدد وقت معين تخلص فيه اسبوع عشر ايام ميبقاش الوقت مفتوح وكل مره ساعة او ساعة ونص عشان تتجنب الملل .
الخطوة الرابعة :
اختبر نفسك باستمرار فيما تعلمته . اتصل بالمحاسب القانوني بتاعك واتكلم عن الحسابات ونظم الضرايب وأتأكد بأن معلوماتك صحيحة .
خلص الموضوع وهتلاقي نفسك بتطور باستمرار وبدون ارهاق كبير.
أخيرا ما سيرنا في قطاع الحاق العمالة لنحيا !
ولكن سيرنا فيه ليحيا.
أ/ وائل أبوعالية - المدير العام لشركة أبوعالية للتوظيف الخارجي & شريك مؤسس منصة لينك أوت.
