بكره رمضان كل سنة وانتم طيبين 💐
في رمضان خليك هادي خاصة وانت مروح قبل الفطار 😁
في رمضان ارجع تاتي لايام زمان وجمع العيال حواليك واقف علق زينة رمضان 😍
مدفع رمضان ابومسمار حاجه محترمه لو مش واخد بالك يعورك ، العيال دلوقتي توتو خالص 😅
اما بيكون رمضان في الشتاء ☃️ بيكون اجمل لان الشغل في شركات الحاق العمالة بيكون اقل من الصيف .
تاني خليك هادي عشان الحصة في رمضان بتكون مش كبيره 🙈
العميل في رمضان بيكون عنده طولت بال ، بعد العيد هيطلع روحك 🤩
استمتع في رمضان بحاجتين ، الفطار مع الاهل 🍔 وصلاة التراويح في مسجد 🕌 مع امام صوته جميل .
عايز تأجر بعد الفطار ، روح اجر بادل لعبه حلوه وعلي ادنا احسن الكره ⚽️ بقت فرهده .
الحق روح النهارده هات المخلل احسن بكره قبل الفطار بيبقي بالخناق ⚔️
مسلسلات رمضان بتبقي حلوه ، لكن سيب الناس تقولك ايه اجمل واحد فيهم واتفرج عليه بعد رمضان 😂
فطار رمضان في وجود ابوك وامك غير بعدهم 😔 ادعيلهم بالصحة وطولت العمر او بالرحمة المهم اوعي تنساهم .
رمضان في مصر حاجة تانية ، كلام حقيقي 👌
كل سنة وحضراتكم بالف خير 🌹
أخيرا ما سيرنا في قطاع الحاق العمالة لنحيا !
ولكن سيرنا فيه ليحيا.
أ/ وائل أبوعالية - المدير العام لشركة أبوعالية للتوظيف الخارجي & شريك مؤسس منصة لينك أوت.